Deeqdaasi gargaar oo ka kooban raashin, dhar, maacuun, joodariyaal iyo jirigaano ay dadku biyaha ku shubtaan ayaa waxaa maanta la Gaarsiiyay barkacayaasha ku nool inta u dhaxaysa Deegaanka Garasbaaleey iyo Tareedisho ee duleedka magaalada Muqdisho, waxaana deeqdasi oo loo soo wakiishay Ururka Haweenka Qaranka Soomaaliyeed uu gaarsiiyay qoysas hor leh. Dadka Ka faa’iidaystay deeqdaasi ayaa isugu jiray Haween carruur iyo Dad Da’ah kuwaasi oo ay ka muuqato raadad iyo saamaynta ka dhashay abaarta. Guddoomiyaha Ururka Haweenka Qaranka Soomaaliyeed Batuula Sheekh Axmad Gaballe ayaa deeqdaasi iyo sida ay Dadka ugaarsiiyeen, waxaana ay tilmaamay in dadkaan ay haystaan daruufo kala duwan oo dhinaca nolosha ah islamarkaana ay u baahanyihiin gurmad balaaran oo dhinac waliba leh. Qayba ka Mid ah Gobolada dalka ayaa waxaa ku Dhuftay abaaro saameeyay Dadka iyo Duunyada, taasi oo keentay inay dadka ku barakacaan meela fogfog Kadib markii ay abaartu baa’bisay xoolahii ay dhaqan jireen
↧