Shirkaani oo uu gudoominayey Wasiirka Wasaaradda Boostada iyo Isgaarsiinta Xukumadda Soomaaliya ayaa waxaa ka soo qaybgalay Xubno ka kala socday Wasaaradaha Isgaarsiinta Maamulada dalka ka jira,
Waxaana looga arrinsanayey kulanka sidii wada shaqeyn buuxda ay u dhex mari lahayd Wasaaradda Boostada iyo Isgaarsiinta iyo Wasaaradaha Boostada iyo Isgaarsiinta ee ay leeyihiin Maamul goboleedyda dalka ka jira.
Waasarada Boostada iyo Isgaarsiinta Dowladda dhexe ayaa sidoo kale u soo gudbisay Wasiiradaha shirka ka qeyb galay sharciga Isgaarsiinta oo ay Wasaaraddu soo diyaarineyso si ay talooyin uga dhiibtaan,
Doodd dheer oo laga yeeshay sharciga Isgaarsiinta dalka ayaa ugu dambayn laga soo saaray Sadax qodob oo ay isku raaceen Wasaaradda boostada iyo Isgaarsiinta Xukuumada Soomaaliya iyo Wasiiradi ka socday wasaaradaha isgaarsiinta maamul goboleedyada.
Agaasimaha guud ee Wasaaradda Boostada iyo Isgaarsiinta Axmed Xaaji Cabdi oo warbaahinta la hadlay ayaa sheegay in muhiimadu ahayd sidii wada shaqayn u dhax mari lahayd Wasaaradda Boostada iyo Isgaarsiinta Dowladda dhexe iyo kuwa Maamul goboleedyada, iyo in ay doorkooda ka qaataan sharciga ay wasaaraddu diyaarinayso.
Wasiirka Wasaaradda Boostada iyo Isgaarsiinta Dowlada Soomaaliya mudane Guuleed Xusseen Qaasim oo shirka soo Xeray ayaa uga Mahad celiyay Ergada ka soo qeybgashay shirka imaantinkooda, waxa uuna sheegay in muhiimadda ugu weyne ay ahayd sidii wada shaqaynta hay’adaha Dowladda dhexe iyo kuwa Maamul goboleedyada kor loogu qaadi lahaa, Isagoo aad uga mahad celiyay xubnahan sida ay fakarkooda uga dhiibteen sharciga Isgaarsiinta ee ay wasaaraddu diyaarinayso.
