Madaxweynaha dalka Mareykanka Obama ayaa noqoday madaxweynihiin ugu horeeyay oo cagta dhiga Jaziirada Cuba kadib 90 sano.
Booqashadan oo aheyd mid taariikhi ah ayaa madaxweynaha waxaa ku wehliyay qoyskiisa oo kala ah xaaskiisa Michelle, iyo labadiisa gabdhooda Sasha iyo Malia iyo sodohda Obama Marian Robinson, iyadoo kooxaha xuquuqda aadanaha u dhaq dhaqaaqa ee dalka Cuba ay dibad baxyo ka dhigeen meel aan ka fogeen halka soo dhaweynta ka socotay.
Madaxweynaha ayaa socod lug ah waxaa uu ugu soo wareegay magaalada caasimadda ah ee Havana gaar ahaan qeybta qadiimiga ah iyadoo boqolaal dadka reer Cuba ay hareeraha wadada tumnaayeen, waxaana da’ayay roob mahiigaan ah.
Obama ayaa inta uu Havana ku sugan yahay waxaa uu khudbad ugu jeedin doonaa Telefishinka dadka reer Cub isagoo la kulmi doona dadka hal abuurka ganacsiga leh.
Xigasho: Daily mail