Quantcast
Channel: Radio Muqdisho
Viewing all articles
Browse latest Browse all 20463

Dowladda Soomaaliya Oo Diyaarad Sida Saanad Ciidan U Dirtay Puntland

$
0
0

 

Dowladda Soomaaliya ayaa laba diyaarad oo saanad ciidan u dirtay maamulka Puntland si loogu dabar jaro Firxadka argagaxisada ee sida dhuumaaleysiga leh ku gaaray deegaanada Puntland dhawaan.

Wasiirka Warfaafinta Dhaqanka iyo Dalxiiska Xukuumadda Federaalka Soomaaliya mudane Maxamed Cabdi Xayir Maareeye iyo Saraakiil Sare oo ka tirsan Ciidanka Xoogga Dalka Soomaaliyeed ayaa ku sugnaa garoonka diyaaradaha Aadan Cadde ee magalaada Muqdisho ku sagootiyay diyaaradahaasi oo waday hubka noocyadiisa kale duwan, iyo waxyaabaha kale oo ay u baahanyihiin ciidanka.

S/ Guuto Cali Baashi  Maxamed   Abaanduulaha ciidanka xoogga dalka Soomaaliyeed oo warbaahinta kula hadlay garoonka diyaaradaha magalaadda Muqdisho  ayaa   sheegay in ciidanka xoogga dalka Soomaaliyeed ay  mar kasta garab taagan yihiin Puntland iyo ciidanka xoogga ee qeybta  54-aad ee ku sugan  deegaannada Puntland  hadii loo baahdana  ciidan, ay  cutubyo ka tirsan ciidanka xoogga  loo diri doona halkaasi.

Wasiirka  Warfaafinta dhaqanka iyo dalxiiska ee xukuumadda Soomaaliya Mudane Maxamed Cabdi Xayir Mareeye  ayaa ku ammaanay  ciidanka Qaranka Soomaaliyeed  geesinimadda  iyo kartida ay nabad diidka  kula dagaalaamayaan  islamarkaana ay cadowga dalka kaga difaacayaan.   


Viewing all articles
Browse latest Browse all 20463

Trending Articles