Ra’iisul wasaaraha Xukuumadda Federaalka Soomaaliya Mudane Cumar Cabdirashiid Cali Sharma,arke iyo wafdi uu hoggaaminayo oo shalay Gaaray Waddanka Talyaaniga ayaa maanta la filayaa in kulan ballaaran ay la qaataan Madaxda waddankaas.
Kulanka oo ka dhicidoona Wasaaradda Arrimaha dibadda Talyaaniga waxaa isugu imaan doona Madax ka tirsan Dowladda talyaaniga iyo Ganacsato, iyadoo u jeedkiisu yahay shirkan dib u soo nooleynta Xiriirkii Dhanka ganacsiga ee ka Dhexeeyay Waddamada Soomaaliya iyo Talyaaniga.
Mas’uuliyiin waaweyn ayaa la filayaa in shirkaan ay isugu imaan doonaan, iyadoo laga wada hadli doono xoojinta xiriirka Ganacsiga ee labada dal inkastoo aanan wali helin magacyada Mas’uuliyiinta Shirkaan Imaandoona.
Wafdiga Ra’iisul wasaaraha ee jooga talyaaniga ayaa la filayaa in ay Dowladda Waddankaas la yeeshaan kulamo badan kaas oo Talyaaniga looga dalbanayo in ay Maalgashi ku sameystaan Waddanka Soomaaliya maadaama hadda Talyaaniga uu aad ula shaqeeyo Dowladda Soomaaliya.