Guddoomiyaha Gobolka banaadir ahna duqa Muqdisho Mudane Yuusuf Xuseen Jimcaale ayaa maanta ka dhabeeyey balanqaadkii ahaa in uu ka qeyb qaadanayo dhismaha waddada Xamar ilaa Hobyo, taas oo hal ku dhiga looga dhigay “Xamar ka quraaco hobyana ka qadeey”.
Xaflad gaaban oo lagu qabtay aqalka Dowladda Hoose ee Xamar ayaa lagu Guddoonsiiyey Guddiga dhismaha Wadadda Xamar ilaa Hobyo jeeg ay ku qorantahay lacag dhan 1,140,000(Halbilyan iyo boqol iyo Afartan Malyan oo shilin Soomaali ah) taas oo u dhiganta $50,000 Doolar, taas oo horay u balan qaaday Guddoomiyaha Gobolka Banaadir Mudane Yuusuf Xuseen Jimcaale.
Guddoomiyaha Gobolka Banaadir ayaa sheegay in waddadan ay tahay waddo Soomaaliyeed oo ka Kooban 560 KM taas oo loo baahan yahay in bulshada oo dhan ay ka wada qeyb qaataan.
Ugu Damebntiina waxaa lacagta Guddoomay Gudigii iyo injirneeradii dhisaya waddada, kuwaasi oo bulshada ka codsaday inay gacan ka geystaan dhismaha waddada isku xirta Hobyo iyo Muqdisho, oo mareysa dhanka xeebta.
